Prothetik

Bei der Prothetik handelt et sech em d’Wëssenschaft vum Zännersatz, der Verbesserung an dem Erëmopbau vum Zännbou. Sie ëmfaasst ee grousse Spektrum u festsëtzenden souwéi eraushuelbaren Aarbechten – vun der Kroun bis zur Prothees. Zesumme mat onsen Techniker leeë mir Wäert op modernst an individuell ugepasste Behandlungen, fir de Verloscht vun Zänn souwéi och Zännschied erëm ze reparéieren.

Fëllungstherapie

D’Behandlung vu Karies oder Zännverloscht duerch een Trauma, ginn mat zännfaarwenen Kompositfëllungen direkt am Mond therapéiert.
Bei méi groussen Defekter schaffe mir mat, am Labo hiergestallte Fëllungen aus Keramik, sougenannten Inlays, déi passend op den Zant geklieft ginn.
Mir schaffen Amalgamfräi.